വാടാനപ്പള്ളി ലയൺസ് ക്ലബിൻ്റെ സേവന പ്രവർത്തനങ്ങൾക്ക് തുടക്കമായി

വാടാനപ്പള്ളി :ലയൺസ് ക്ലബ്ബിന്റെ 2024-25 ലിയോൺസ്റ്റിക് വർഷത്തിലെ ആരംഭ ദിനമായ ജൂലായ് ഒന്നിന് സേവന പ്രവർത്തനങ്ങൾക്ക് തുടക്കം കുറിച്ചു. വാടാനപ്പള്ളി ഈസ്റ്റ് ലോവർ പ്രൈമറി സ്കൂളിൽ വെച്ച് നടന്ന ചടങ്ങിൽ റീജിയൺ ചെയർപേഴ്സൺ ലയൺ എം.സി.മദനകുമാർ MJF അഞ്ച് ഗ്ലോബൽ സർവീസ് പ്രൊജക്റ്റുകളുടെ വിതരണം പ്രധാന അധ്യാപിക ടി.ആർ.ദിവ്യ ടീച്ചർക്ക് നൽകി കൊണ്ട് ഉദ്ഘാടനം ചെയ്തു. പ്രസിഡന്റ് ലയൺ ജയപ്രകാശ് ചക്കാമഠത്തിൽ അധ്യക്ഷനായി. ഡോക്ടർസ് ദിനത്തിന്റെ ഭാഗമായി ഡോക്ടർ രാജഗോപാലിനെ റീജിയൺ ചെയർപേഴ്സണും പ്രസിഡന്റും ചേർന്ന് പൊന്നോട അണിയിച്ച് ആദരിച്ചു. ഏരിയ ചെയർപേഴ്സൺ ലയൺ അമൃത ജയപ്രകാശ്, മുൻ പ്രസിഡന്റ് ലയൺ കെ.പി.പ്രവീൺജിത്ത്, ലയൺ കെ.കെ.ഗോപി, പ്രധാന അദ്ധ്യാപിക ടി.ആർ.ദിവ്യ എന്നിവർ സംസാരിച്ചു.
സെക്രട്ടറി കെ.കെ.മദനൻ, ട്രഷറർ ലയൺ കെ.ബി.സലീം MJF, അബ്ദുൾ ലത്തീഫ് മാസ്റ്റർ, ലയൺ മെമ്പർമാരായ സി.ബി. സുനിൽകുമാർ, എം.വി.ബിജിത്ത്, സുഭാഷ്ചന്ദ്രൻ, കെ.എസ്. സുഷിൽകുമാർ, കെ.ആർ. മോഹനൻ എന്നിവർ ചടങ്ങിൽ പങ്കെടുത്തു.